الشاعر صبرى عبد الواحد الحساني
ما بنحبش الخير لبعض
ما فالحينش غير فى بعض
ومع الغريب بنكون ارانب
مع اخويا اكون أسد
ومع الغريب اكون خايب
للغريب حقى اسيبه
ومع القريب أسوى العجايب
مع بعض اسود هجامه
وسلاح من بره جايب
اخويا وابن عمى
لو جنيه لى. عنده ما سايب
واعدائى وأعداء بلدى
واكلينى فى فلوس زكايب
مزلول وفاكرها شطاره
لما اطعن واغيب فى اخويا اللى غايب
شاطر مع اللى ليه
والغريب عاملنى ركايب
واقول اجدادى وتاريخى
وفى الحاضر والمستقبل ما ليش نايب
اعدائى بيكرهونى
وانا عامل منهم.حبايب
الخير لو فى البحر ارميه
وامنعه من القرايب
شجرتنا طارحه لبره
خيرها عنا غايب
ما نحبش الخير لبعض
وفى الجد إيد اخويا سايب
ليست هناك تعليقات:
إرسال تعليق