""""""""""""""""
يادنيا رخصتى الغالى
والواطى جاله يوم بقا عالى
وأنا شرفى دايما راس مالى
يادنيا واعمل وياكى ايه
""""""""""""""""""""""""""""
الناس بتاكل بعضيها
والحقد والغل ماليها
مبقاش مكان لعزيز فيها
والجهل بقا يتقاله يابيه
"""""""""""""""""""""""""""
فيه ناس بقت عايشه فى غابة
واولاد اصول عاشوا غلابة
ياناس دا دنيانا بوابة
فى الآخرة بس حنعمل ايه
"""""""""""""""""""""""""""
رضا الإله هو طريقى
فاكرنى فى شدة ضيقى
ودراعى بس اللى صديقى
وربى هو اللى مقويه
""""""""""""""""""""""""""
أيام زمان كانت ملاليم
والبركة من عندك ياكريم
بس الضمير كان صاحى سليم
والناس تحب الخير بتقويه
""""""""""""""""""""""
أما اليومين دول فيه ملايين
ونفوس مريضة قلوب ملاعين
نسيوا الإله رب العالمين
اللى فى ثانية الكون يمحيه
"""""""""""""""""""""""""
ياناس كفايه جشع وحرام
خلوا اللى بينا وئام وسلام
ووحدوا المولى العلام
شوف ياابن آدم ايه يرضيه
"""""""""""""""""""""""
رب العباد يكرمك ياللى تحب الخير
وتؤثر الناس على نفسك فى كل عسير
وتسعد قلوب الغلابة وتحب الصلاح للغير
والدنيا تبقى فى سعادة والحب بننميه
""""""""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق