..قلم السيد بدر
آنا القاتل آنا المقتول آنا الديه
أنا الأنسان
آنا الظالم وتخدعهم دموع عيني
أبان مظلوم
أكون فرحان اداري فرحتي أحزن
أبان مهموم
مافيش ايام بتسعدني
سعاتها تملي تتعسني
باخد حاجه مش حقي
ومش ليا أقول ليا وده حقي
بطمع فى اللى مش ليا
ادوس على غيرى أقول ليا
قلب مافيش ضمير بايعه
انانى تزلني نفسي عشان إنسان
....
أكون مقتول وده زنبي وديه دفعتها دمي
عشان إنسان شهادة عدل اداريها
وكلمة حق بسجنها وتاني أرجع اقاضيها
......
باقيت لعبة ايدين بتخون
باقيت غله باقيت مطحون
بخاطري أخترت م الأول
شده ضيقه بتحول عشان إنسان
.....
آنا السندال وبتحمل
اداري الصرخه أتجمل
فيا لساني وبلعتة
بنظرة حزن بتزلل
حتى إيديا مصلوبه
ورجلي بحبل مربوطه
يجى ميعادي اتجرجر
لعشه بسدة معروشه
أغمض عيني أتكوم
بخاطري أخترت م الأول
أكون ديه ومربوطه عشان إنسان
........
آنا الكلمه اللي متشاله
جوه ف درج متعانه
وقت الحوجه تتحرر
بعد العوزه متهانه عشان إنسان
......
صفحه باقيت ومطويه
وسط كتاب ومنسيه
تراب غطاها مش باينه
نسأل عنها ملغيه
بخاطري أخترت م الأول
ضعفت وكنت آنا الديه عشان إنسان
.....
رافض أكون مع إني قادر أكون
لكن ياخساره مش قادر قدرت أخون
وشهد زور وكدب أحلف
عهد وعد كنت أخلف
أجور على حق مش حقي
مال أيتام أقول حقي عشان إنسان
........
أنا الإنسان وكرمني اله الكون
أنا إنسان وده طبعي اناني تزلني نفسي
بخاطري رضيت أعيش متهان
ضعيف وجبان فيا من ده وده
وقبلت ده وده دلوقت أنا كل ده
وفوق ده كله ده
أنا القاتل أنا المقتول أنا الديه
أنا الأنسان
ليست هناك تعليقات:
إرسال تعليق