"""""زمان """"""""
زمان حقيقى كان فيه أمان
الست تلقاها بدرى زهرة فى بستان
تصحى تروح جنب راجلها برضا وحنان
تمسح وتغسل مواعينها بهمة ونشاط
"""""""""""""""""""
تزرع وتقلع بإديها سابقة ايادى
وجمالها باهى ياجماعة نور فى الوادى
راعية الأمومة بالفطرة بنت بلادى
ياسلام عليها الفلاحة وكتير أنماط
""""""""""""""""""""""
زمان دى كانت حنية على كل فقير
وغيطان دى كنا بننزلها نفرح بالخير
والناس تساعد بعضيها والرزق وفير
دلوقتى ليه الناس تاهت وطبيخها أهو شاط
""""""""""""""""""""""""
الست كانت شقيانة بريح فواحة
وتشوفها وكإنها راجل ناوية فلاحة
وتربى اولادها وراضية بكل سماحة
ومحزمة الوسط وربطاه والعفة صراط
"""""""""""""""""""""""""
دلوقتى تلقى الفلاحة تقول بابى ومامى
ولو تروح الغيط تندب مش دا مقامى
ولو حاولت تصحيها قلقت منامى
ولا تعرف العيش المشطوح ولا فيها نشاط
""""""""""""""""""""""""
زمان ياناس كانت طيبة وناسها أصيلة
والست بالشقة وطرحة تشوفها جميلة
وتشوفها زهرة مع اولادها فى وسط خميلة
ولا كان حداها لا غسالة ولا فيه خلاط
"""""""""""""""""*
وكان غسيلها بتتباهى به رجالة
نضيف ومكوى ومتزهر ولا غسالة
مش واحدة فى البيت كسلانة وعايشة عوالة
الست كانت فى البيت نوره بهمة ونشاط
وكان زمان
""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق