الشاعر / عامر عبده عامر مصر
ممكن تقول لي انت عايز مني ايه
اقول بحبك تقول لي حبك قد ايه
حبي ليك ما اقدر اوصفه
حرام عليك وصفي له
يقل من شانه ويغير نكهته
حبي ليك قد امواج البحور
محتاج لوصفه دواوين
وصفه ما يكفيه السطور
حبي ليك قد النجوم في السما
عد فيها واقعد شهور
حبي ليك قد السحابه لما تنزل
قطرات ندى على الزهور
حبي ليك فيه الحان كثيره
اكثر من كل انغام الطيور
حبي ليك روايحه حلوه
احلى من كل انواع العطور
فهمت قد ايه حبي
عرفت مكانتك جوه قلبي
سؤالك كتر لي غلبي
اتمنى كنت تفهمني
مش لازم اقول لك
ايه اللي جوايا
كل دقه في قلبي
محتاجه قصه و روايه
بحبك قد روحي واكثر شويه
عيوني ليك خدهم هديه
كلمه بحبك نفسي اكتبها في السما
في كل حته في الكون وتنتشر
نفسي الاقي حد يفهمني
قلبه حنين غير قلوب كل البشر
ليست هناك تعليقات:
إرسال تعليق