الشاعر صبرى عبد الواحد الحساني
ياريت ما تنسونى
أنا من تراب
والتراب هيأوينى
رجاء من احبابى
اللى بيقرأولى أو سامعينى
دعاء بالرحمة والمغفرة
وتكونواذاكرينى
يوم ما تصحوا من النوم
وما تكونوش لاقينى
ابنائى وتلاميذى
اللى كانوا مشرفينى
جيران وأصحابى
اللى صحيح حابينى
اهلى وأصحابى اللى جنبى
واللى بعيد عن عينى
وتلميذ كنت ليه كأب
وزمايلى على حبه حاسدينى
وتلميذة بقت ام
واولادها عارفينى
وناس خدمتهم لله
من غير ما قايللى
واطفال فى الجامع حلاوة
بيقولوا يا عمو ادينى
يا كل من حبيتهم
وكانوا هم حابينى
لا تنسونى من دعاكم
وخليكم فاكرينى
ولو كنت فى يوم اسأت
كونوامسامحينى
الدنيا دار ممر
وحتما مفارقينى
مهما طال العمر
ومهما عدت سنينى
اذكرونى بدعوة
من القلب ترضينى
ولو كنت لحد اسأت
رجاء كونوا مسامحينى
الفراق لابد منه
ياما كتير سابقينى
تلاميذى وتلميذاتى
وجيران مجاورينى
اولادى وبناتى
وأصحاب مصاحبينى
ادعولي اكون فى الجنة
وتكونوا فيها مقابلينى
يوم ما تصحوا من النوم
وما تكونوش لا قينى
ليست هناك تعليقات:
إرسال تعليق