هتمشي خلاص وتسبني
.وهاأبدا بكره من تاني
يراودني الامل لبعيد
ياخدني الشوق لخلاني
تدب الروح ف شرياني
واحس بنبض وجداني
هتمشي خلاص و تنساني
وانا والله وحداني
ها أعيش بعدك ف حرمان
خلاص أمشي ياأناني
مادام راضي ب حرماني
أنا بعدك هعيش وحدي
وهأبني مجدي وآمالي
وأنسي أني أعود ليكي
أو أشغل حتي أفكاري
وهاأمسح كل أوراقي
وها أشطب كل أشعاري
وهاأعلن ليكي عصياني
و ها أعلن قلبي مش ليكي
وها أعلن عن مكان فاضي
و ها أكتب يافطه لايجاره
بدون رجعه في قراري
هتمشي خلاص بلا عوده
و بلا راجعه و أنا مالي
ما ده العادي وانا راضي
مادام قلبك صبح فاضي
و مش ممكن أكون ليكي
و لا يمكن أعود تاني
وها أحرق كل شي منك
يفكرني ولو ثانيه بمعاليكي
هطهر قلبي من حبك
ومن اسمك و ما ليكي
وها أعلن أن أنا سيبتك
وها أحرق كل دواويني
عشان ها تفكرني و لو ثانيه
ب كل لحظه و كل ذكري
قضيتها في عشق معاليكي
و ها احرق كل جواباتك ومكاتيبي
و ها أعلن توبتي و أني
خلاص نادم علي أيديكي
كلمات الاديب الشاعرد./ السيد علي القن
ليست هناك تعليقات:
إرسال تعليق