"""""""""""""""""
سيبانى ليه قلقان عليكى
انده ومش شايفه بعنيكى
انا نفسى اعرف بس حالك
او حتى اعرف ايه يداويكى
سيبانى ليه يانن عينى
دا هواكى بلسم بيداوينى
لقانا بيلملك جروحنا
دايما معايا وبيراضينى
امتى اشوف ياحبيبتى طيفك
دا الفكر توه عين وليفك
عمال ادور فى اللى رايح واللى جاى يمكن اشوفك
سيبانى ليه والعمر عدى
والفكر تاه ياما خد وودى
والحياة بطولها قصيرة
نفسى اعيشها وقلبى يرضى
سايبة قلبك جوه قلبى
ايوه ما أنا برعاه بحبى
بس ميت مليون خسارة
بعد دربك عنه دربى
آه وآه مر الزمان
خلى بينا بعاد مكان
كنا نتقابل يوماتى
والنهارده زمانا خان
قلت اعيش ع الذكريات
سنين كتيرة وعمر فات
احلى ذكرى لأبهى قصة
عشنا فيها الأمنيات
بكره ترجع لينا تانى
مهما عدى كتير ثوانى
ترجع الفرحة لقلوبنا
وتتوصل بينا التهانى
وسيبانى ليه
"""""""""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق