زجل...
سافرت...
انا اللي عشت
ايامي مخدوع
بكيت حتى جفات
عيني من ادموع
قلت شلا كلام
عمرو ما كان مسموع
أو ليوم فكرت نمشي
مشية بلا ارجوع
لا خدمة لا ردمة
أو لا حتى شي
مشروع
نكمي أو نتكمى
نهار اوليل نفس
لموضوع
لعقول صارت
خاوية من لمعقول
وانا بينهم منفارد
أو معزول
اطمع الدنيا يعمي
وانا عماتني عيشة
لمذلول
شحال من قلدة
لابس يبان نقي
فمو بوالو محلول
أو شحال من اضعيف
يبان مرقع درابلو
حسبوه مسطي مجنون
ويلا انطق كلامو
معقول
انا غادي ما نتلفت
ورايا
راجع عند لمعلوم
هارب من لمجهول
باركة وكفاية راني
شبت أو شيبني
الظلم أو اظلام
لمفعول
خليني نمشي موضي
قبلما عقلي يصير
معلول
إبراهيم اللغافي
ليست هناك تعليقات:
إرسال تعليق