تمر الدقايق وياه السنين
ونحسب يا دنيا إننا عايشين
أتاري الحياة دي بوشين
وإحنا فيها ومش عايشين
وأتارينا عايشين في الدنيا ع الهامش
ملناش فيها إلا هوامش
في الصبح بنرسم ضحكتنا
بوشوش مرسومة لملامحنا
بنداري بيها على خيبتنا
ونطبطب على كل جروحنا
وبنضحك بيها على روحنا
وباقي اليوم في دوامه
من غير لا دمعه ولا ملامه
نرجع باليل لأوجاعنا
ما هي دايماً ساكنه ومتهانه
ولفين هنروح تاني يا دنيا
ولأمتي هتفضلي حبسانا
ع الهامش في نهاية الصفحه
ما تقولي على فين واخدانا
_________
بقلمي الشاعرة
رشا السيد مهلل
جمهورية مصر العربية
ليست هناك تعليقات:
إرسال تعليق