**********
بقلمي✍️السيد عطاالله
الست دي مصرية
أبيه فيها كل حنية
بدونها نغرق بشبر ميه
بنت الأصول متربية
ست تساوي مية راجل
تصفح بسرعة نبأ عاجل
خلفتها البنت زي الراجل
مع زوجها شيلة مسؤولية
ست كوكتيل من المدارس
إللي ما يعرفها يبقى مش دارس
ست عظيمه على الأجيال حارس
أم وأخت وزوجه بها الحياة هنية
حتشبسوت و شجرة الدر
تاريخ إسلامي بلاش كده يمر
المعتصم قوم لها حرب كان حر
مش أقل منها بهيه وسعديه
إياك تفتكر أنها مكسورة الجناح
دي لما زوجها يدخل تعبان يرتاح
ست الستات قلبها مليان أفراح
عمرها لو حزينه ما كانت نكدية
في الحسن أراها قد تمادت
الروح تعود للبيت لو عادت
كل القلوب بحسنها أشادت
بنت الأصول ست مصرية
عاشت بنت بلادي
يسلم طبعها و الأيادي
حنان يسع المحيط الهادي
عاشت كريمة بسلامة النية
كلمات السيد عطاالله.
ليست هناك تعليقات:
إرسال تعليق