لأمتي تخبي و تداري
وعينك تبقي كده فاضحاك
لأمتي ها تمشي تتخفي
و أنا شايفاك
و تهرب ليه من المكتوب
و ب تخبي
و تبعد ليه عن المحبوب
و آيه ذنبي
عشقتك أيوه مش خايفه
عشقتك وأنت أهه شايف
غرامي بيكي
و كل الدنيا عارفاني
ب أدوب في عنيك
و همسك ليا و كلامك
و لمس أيديك
و خايف ليه بقي تاني
و حبك أغلي احلامي
بيسري ف دمي وكياني
وعايز تمشي ليه و تبعد
تسيبني لنوحي و همومي
بقي يرضيك
تعذبني و تنساني و أهون عليك
حرام أرجع بقي ليا
و كلمني و طمني
أنا قلبي معاك لسه
وساكن لسه ف مكانه
و عهد الحب وثقته
و ضميته ضلوع قلبي
حبيبي تعالي و ارجع لي
ما دام قلبي شبه قلبك
م دام لسه شاري خاطرك
ما دام باقي علي وعدك
دا أنا و الله محتاجلك
بلاش تمشي و تتركني
وتبعد عني وتسببني
أنا والله ب اشهد لك
و ب أحلفلك بعهد الله
بأني لسه علي عهدك
و اني باقي علي حبك
و مهما عملت مش ها أقدر
أعيش لحظه بدون قلبك
تهون الدنيا لو لحظه
ما أبصش فيها ف عيونك
تهون الدنيا لو ثانيه
ما أحسش فيها بوجودك
و أشم عبير أنفاسك
وأحس بكل أحساسك
تهون الدنيا لو لحظه
أحس فيها ب الغربه
و أنا جنبك
و أحس أنك بعيد عني
وانا قربك
و أني غريبه علي أرضي
بدون شرفي بدون عرضي
و تايهه كل أحلامي
تهون الدنيا لو تنسي
بانك أغلي أيامي
و أنك أغلي ما عندي
وانك أغلي آمالي
و أنك خليت للحياة معني
كده بحبك
ف ليه عايز بقي تمشي
و تنسي كل احلامنا
و تشطب كل أيامي
و تمسح كل ليالينا
وحكاوينا و غناوينا
حرام توجع كده قلبي
خلاص أرجع و ريحني
و لو زعلان سامحني
عشان قلبك كده طيب
هنرجع تاني زي زمان
بدون آلام و لا حرمان
تعالي و خدني بالأحضان
و طمني كمان وكمان
أنا يا حبيبي مستني
و عندي إيمان
أنا يا حبيبي مستني
زي زمان
ولسه لك في قلبي مكان
كلمات الاديب الشاعر .د/ السيد علي القن
ليست هناك تعليقات:
إرسال تعليق