..........
يا أمي
..........
يا أمي دخلك لا تفارقيني
حضنيني على صدرك ضميني
خليني شم عطرك الفواح
لعلي أنسى جروح سنيني
قنديلك الكان ببيتك مرتاح
مضوي كل أيامك الحزيني
صار بالسواد ملفلف بوشاح
وما عاد لأهل الدار زيني
يا أمي صدري ملان جراح
وجروحي بحنايا قلبي دفيني
داير بزوايا الوطن نواح
ما عاد في حجر بالوطن يدفيني
يا أمي إذا الوطن منا راح
ما في بي يعود يحميني
بصير بشوارع الدني سواح
شحاد يا مين عاوطن يهديني
يا أمي تركيني بساحات الكفاح
فارس غني البطولي بروحي الأميني
ان شفتي صدري مبضع بالرماح
لفيني بعبايتك وعملي عرسي
كحليني بتراب الوطن بإيدك دفيني
........... ...........
بقلمي... يوشع علي إسماعيل أديب وشاعر عامي
ليست هناك تعليقات:
إرسال تعليق