ثلاثي
نقسم بالثلاثي المشهور
في النشيد الوطني مذكور
عمري ما نتيق في ولد مرا
بسبب اللي لاحني علفة
بعدما كلا التمرا
والثمن هو والو
شراني بالهضرة
حكمني بقوالو
قال لي بغيتك للحلال والخير
وفرش لي الهيضورة فوق البير
خلا في قلبي جمرة
ابدا مانفكر يكون لي حبيب
ولا نعطي فرصة للغير
هربت من الواقع
وحصلت في النيت
للزواج كثرو مواقع
والواتساب مدعم الفيس
كان راسي مرفوع
ولا غارق في الغيس
هاذي حكاية في الطوبيس
تحكيها وعينيها عامرة دموع
شابة في العشرين
بحرقة وبصوت مسموع
سولتها شحال عمره ؟
هاذا اللي قلبك فيه مخدوع
جاوباتني في الاربعين
عفاكم يا البنات اللي طالعين
ما تنساو كلام الاولين
اللي فاتك بليلة فاتك بحيلة
يا الله حسبو فارق السنين
صافي عييت اصدقاءي الاعزاء تصبحون على الف خير وربي يكتب علينا مكاتب الخير
المملكة المغربية الشريفة ٠٣٠٤٢٤
الدكتورة فاطمة الزهراء الرئيس
ليست هناك تعليقات:
إرسال تعليق