غراف لعجب.
طويل وعالي
فالشربة يعجب
وقابل على هبالي
ماهو فضة أو ذهب
ولا سومو كان غالي
غراف بلاستيك
وفيه نشرب
وماه كان بارد زلالي
غراف سبع صنايع
فذاك الزمان الضايع
بلاستيك وكان رايع
وما تلقى عليه بديل
صالح الما وحليب وعصير
غراف كان معاه الخير
غراف عجيب فشكلو تحير
وحاضر حتى فالحمام ولغسيل
الشربة عجيبة فيه يا سلام
غراف أيامو ما فيها تخمام
بالنهار النشاط وبالليل أحلام
والزرود حاضر وحتى فالحمام
غراف عجيب آخر موديل
يروي لعطش ويشفي لغليل
ديما حاضر ما تلقى عليه بديل
وحتى فالحمام ولغسيل
غراف أوقاتو كانت مسرارة
شربنا فيه لحليب بالفرارة
اليوم كلشي طار مع الطيارة
غير الضباب يا خسارة
عبد اللطيف ميصر 1 3 2024 بوزنيقة المغرب
ليست هناك تعليقات:
إرسال تعليق