...........
يا لبنان ما أغلى مَهرك
تتبقى شامخ وما ينحني ضهرك
سرجت مهر التحدي والأرتجال
كرامتك عملت خيّْال مُهرك
عا أرض الوفا وبلاد النوال
يا بدر العز هل شهرك
عا كتف جبال نورك جال
صرت أشحد من نور طُهرك
جبل عامل يا عز الرجال
صنين الأبي شم زهرك
وشمال الفخر حملك شال
وبقاعك شارك بدفع مُهرك
عاهاك الأرض عاكتاف الجبال
ببسمة صباحك وبعز ضُهرك
حاول يدنس ترابك الأحتلال
شهور ما قدر دنس نهرك
ما في غصن بوادي مال
بقماش جروحنا لفلفنا قهرك
عا زنود رجالك عقدة الأَمال
راهنت علينا وربحت زهرك
فرسان بشموخ الأرز ما بتنطال
لبنان خلق مقبره لجيوش الغُزاة
وقوس النصر معقود عابواب دهرك
.......... .............
بقلمي... يوشع علي إسماعيل أديب وشاعر عامي
ليست هناك تعليقات:
إرسال تعليق