الشاعر صبرى عبد الواحد الحساني
الحمدلله والشكر لله
لقد اكرمنى الله بزرية صالحة إناثا وذكور
كتبت اليوم قصيدة عن أحدهم وهو ابنى الثانى
راجل زى أبوه وأخوه
راجل من ضهر راجل
زيى فى كل شىء طالع
اللى يعادينى يعاديه
حتى ولو من صلبه طالع
ما ليهوش فى المجامله
وكلامه من جوفه طالع
الكلمه من لسانه سيف
ورأسه فوق المقالع
ابنى اللى انا ربيته
وفى طوعى وكلامى سامع
تشوفه تقول ما شاء الله
زمن الفوارس راجع
لا يغلط ولا ليه فى العيبه
لكن رده بيكون واجع
ده ابنى اللى انا ربيته
نجم فى السما ساطع
اسمر لون تراب بلده
وعوده ماشاء الله يافع
فى سمارى وواخد كل اوصافى.
الخير من قلبه نابع
اللى أحبه أنا هو يحبه
وعدوى ما ليهوش عنده شافع
أنا هو وهو أنا
فى كل شىء وعمره ما كان خادع
لو حد عابنى أمامه
أو قال كلام مش واقع
يلاقيه اسد هجام
ويقلب عليه المواجع
أجل من ضهر أبوه
زى أبوه وأخوه طالع
ده ابنى اللى انا ربيته
وفى طوعى وكلامى سامع
ربنا يحرص أبنائنا وابنائكم ويبعد عنهم أهل السوء والشر زيحصنهم من الحاقدين والمنافقين والحاسدين أمين يارب العالمين
ليست هناك تعليقات:
إرسال تعليق