حمامه بوح بقلمي عبدالله رجب ابوعدنان شاعر الغلابة
ف الجرن كان اللقا
وأحلام طفوله مؤجله
وعصافير مشغوله بالزقزقه
وحمامه بوح وهوا يرد الروح
ودندنات دوح وأزهار الحب مورقه
الحضن كان دافي
والخل ع العهد وافي
وعسل ع الشفه صافي
وحاجات كتير حلوه بقا
طرحه وعيون بالحب صابحه
وقلوب بتدوب م الفرحه
ونفوسنا بالطيبه مسامحه
من غير أنين وبكا
ف الجرن حسينا برعشة الادين
كنا ف العشق لسه مبتدئين
أنا الشاطر حسن وهيا ست الحلوين
و يا محلا الغرام والصفا
الوجع ظل مطرحه
ومافاضل غير ذكريات
ليه حب طاهر تدبحه
اللي باقي مني رفات
وعيون البنيه تجرحه
واعيش عمري موات
محبوس جوا الشرنقه
ليست هناك تعليقات:
إرسال تعليق