أسعد الله صباحكم
التكبر والإستهتار بالدين والقيم الاسلامية والانسانية
الانسان ، مهما في مجالو يرتقي
وأجمل مباهج في حياتو ينتقي
ومهماَ تكبَّر أو مِشي ورافَق عِظام
بدها تجي أيام ، في لَحْدو ينام
ويحاسِبوا اللي كَوَّنوا ، رب الأنام
بأيش اكتفيت؟رفضت رَبَّك تتقي؟
ومن مين كنت خبار عيشك تستقي،؟!
يمكن نسيت ، منين جيت ، ووين كُنت
وطعنت في صِدق الجليل ، وبالديانة خُنت
ونسيت حالَك وأصلَك من تراب
والروح مش مُلكَك ،!! للخالق الوهَّاب
إياك تُظلُم ، إياك تُشرِك ، إياك تغتاب
لما بترجع ل ربَّك ، بتكون حالَك صُنت
وبتكون صَحّحت المسار ، وعا خالِقك ما هُنت.
لازم ما تنسى ، يا مختال، عن عبادو والخلق ربك غني
وقديش في بطن الارض ، متلك أمم داب وفِني
من طين أصلك وفصلك ، ضل متذكر
لَ للي نفخ بالطين ، لا تكون متنكر
روح اختلي ، بنفسك وأصفن وفكر
الإنسان يللي رحل ، من بعد ما كَد وجِني
راح وترك خلفو المال،
مال الدني بيضل باقي بهالدني.
كلمات: أبو أكابر.
ليست هناك تعليقات:
إرسال تعليق