"""""""""""""""""""""
والفجر صاحى فى ليل شعبان
ساعة السحر حالم هيمان
عند النبى صلاه فى الروضة
وابقى سعيد عايش فى أمان
"""""""""""""""""""""""""
ساعة السحر والبعض نيام
واللى سعى وصاحى فى سلام
يتوضأ ويصلي ويدعى
وملايكة ترفع أعماله فى ختام العام
""""""""""""""""""""""""""
ساعة السحر قوم واتوضأ
وع المسجد روح
دا ركعتين قبل مايدن
بتداوى جروح
والعبد لما يناجى ربه
ع الجنة يروح
يابخت من صلاه حاضر
دا ركعتين الفجرية سرها بيبوح
"""""""""""""""""""""
شعبان ختام السنة
ترفع فيه الأعمال
واللى تطوع صام يومه
شاف الرضا من ربه ونال
ويسلمه ربه لرمضان
مغفور لذنبه والهم اتشال
"""""""""""""
ساعة السحر ادعى يامسلم
بخشوع لربك تبقى فى أمان
فى ساعة السحر
"""""""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق