لمبه قزاز. ......وبابور جاز
وعيشة هنا .....وسرير هزاز
وفرن حطب جوه بيتنا
احسن من مولد200فاز
كان زمان
قولي يامان علي اللي كان
كان فيه خير كتير
كتير ....اوي..... مايتعدش
بيت الخزين مليان
فول فصوليا روز وعدس
بيض سمك ولحمة من الحمرا
والسعر بلاش حاجة ماقولكش
كان كله خير الأرض والزرعة
وبرة ارضنا مابندورش
الله عليها وياسلام ......
علي راحة البال والايام
كنت منها ما بتتعبش
ايام زمان
كنا لمة وعيله واحد ة
ايدينا ماسكة في ايد بعض
وقلوبنا علي بعض تخاف بالحب مليانة
يشوفنا عدونا يخاف يهرب
ويقول اه يانة
عشان كلمة الحق بالعدل سبقانا
و بتنور كل دار
كان فينا اللي يتعب
يلقا من السند 1000000الف جدار
كنا عيلة أهل وصحبة وجيران
ماكانش فينا خاين ....ماكنش فينا جبان
ماكنت تعرف تفرق مين الصاحب
ومين فينا الجار
لمتنا نورها كان سارح في كل مدار
كان زمان
فيه محبة وتقوي .... ونور وايمان
كنا لما نسمع الشيخ يأذن
الكل يجري ع الصلاه
لانها كانت لينا نجاه وصلاح
ولما كان يقول حي علي الفلاح
تلقا الفلاح من الفجر طالع
علي رزقة سارح يزرع
عشان يعمر في الغيطان
لجل ماالزرع يطرح
وثمارة تملاالبيت ويفرح
انه بالخير عمران
كان زمان
مع بعض اللقمة بنتقاسم
كان فينا لبعض سماح
ولاكناش لبعضينا يوم نجرح
بل بالعكس كنالبعض نحب نفرح
ورواح اللي راح
كان زمان
الله علي زمان وايامة
والكل قاعد بيفرد في احلامة
الكل كان مبسوط باللمة
بنضحك ضحكة من القلب
واحنا مع بعض بنتسامر ومعاها
فارشين ع السما احلامنا
كان زمان
كانت امي وابويا معانا
كان فرحتنا بيهم مش سيعانا
لما كنا نقعد حوليهم وسط الدار
وطبلية مع بعض جمعنا زي الازهار
اهو مات ابويا ومن بعده ماتت امي
قام راح الفرح بعيد عنا وساب الدار
والحزن مكانة سكن عشش ف جدار
الركن اللي كان ماسك كل الاركان
كان زمان
ما خلاص راح زمان .
وراح معاه عمرنا المختار
وراحت خلاص ايامنا ومعادش حنان
واشتكت كل حاجة حلوه كنا سيبنها
ذكري لجداران الدار
ياسلام علي زمنا اللي بينا سرح
وخدنا معاها و راح مشوار
وبقينا عن بعض بعاد
كتمين السر بزنازين العمر واحلامة
جوة قبور مدفونة فيها الاسرار
كان زمان
كان زمان وكنا وكان وكان وكان
بقلم عبد المنعم مرعي
ليست هناك تعليقات:
إرسال تعليق